Kolbrún er formaður Haxa. Hún útskrifaðist af náttúrufræðibraut frá Menntaskólanum á Egilsstöðum árið 2016 og tók sér pásu í eitt ár til að ferðast um heiminn. Hún vinnur hjá hvalaskoðunarfyrirtæki og er með köfunarréttindi og hefur því einstakan áhuga á lífverum sjávar. Hún reynir að fara í flest allar vísó, því að sjálfsögðu er ekkert betra en frír bjór og matur.
Siggi er varaformaður Haxa og sér um vísindaferðir. Hann útskrifaðist frá Fjölbrautaskóla Suðurlands árið 2016 og hélt þaðan út til Austurríkis í örstutt námshlé áður en snúið var aftur til náms við Háskóla Íslands. Siggi elskar gagnslausan fróðleik og gott spjall, helst um gagnslausan fróðleik.
Harpa er ritari Haxa .Hún útskrifaðist af náttúrufræðibraut árið 2016 úr Fjölbrautaskóla Vesturlands á Akranesi og er nú á öðru ári í líffræði. Hún er fædd og uppalin skagamær sem elskar bjór, kisur og góða tónlist.
Snæþór er gjaldkeri Haxa. Hans hlutverk er því að halda skipinu á floti fjárhagslega og passa upp á að alltaf séu til nægir peningar fyrir viðburðum félagsins. Snæþór útskrifaðist frá hinni virtu menntastofnun, Menntaskólanum á Akureyri, vorið 2016. Þaðan hélt hann til Danmerkur og dvaldi þar eina önn í lýðháskóla áður en hann hóf nám í líffærði haustið 2017. Snæþór er fæddur inn í mikla líffræðifjölskyldu, en báðir foreldrar hans eru líffræðingar og þekkja örugglega um helming kennaranna í skólanum. Eins og gefur að skilja er Snæþór því undir mikilli pressu að standa sig í náminu. Ef hann er ekki að læra finnurðu hann líklegast annað hvort á hlaupaæfingu í Laugardalnum eða úti á Seltjarnarnesi að skoða fugla.
Nanna Amelía er 22 ára (23 ára í januar) líffræðinemi og Grafarvogsbúi. Útskrifaðist auðvitað úr Verzló 2016 og tók góða ævintýrapásu. Núna er hún 2. árs fulltrúi hja Haxa. Er samt flakkari eða semsagt byrjaði bara í líffræðinni núna í janúar 2018. Hún elskar fallegar flugeldasýningar.
Kristján er 3. árs fulltrúi sem hefur það skemmtilega hlutverk að peppa 3. árið í að taka virkan þátt í félagslífi Haxa. Kristján útskrifaðist af líffræðibraut frá Menntaskólanum á Akureyri 2015.
Urður er fulltrúi 1. árs nema í HAXA. Hún útskrifaðist úr MH árið 2017. Fædd og uppalin í Bandaríkjunum og er stoltur hafnaboltaunnandi. Urður þolir ekki kindur en fer samt í sauðburð á hverju vori. Hún reynir að vera alltaf með myndavél í hönd þegar hún getur
Haxi er lítið nemendafélag innan háskólans en það er öflugt engu að síður. Föstudagar eru heilagir hjá líffræðingum en þá ganga þeir í vísindaferðir hjá hinum ýmsu fyrirtækjum. Askja er líffræðinemanum náttúrulegt umhverfi.
